कुणाल राऊतला दुहेरी विजेतेपद
नागपूर: नागपूर प्रेस क्लब व स्पोर्ट्स जर्नालिस्ट असोसिएशन ऑफ नागपूरच्या संयुक्त विद्यमाने व विदर्भ कॅरम असोसिएशनच्या सहकार्याने आयोजित मीडिया कर्मचाऱ्यांच्या कॅरम स्पर्धेत कुणाल राऊतने पुरुष एकेरी व दुहेरीत विजेतेपद पटकाविले.
सिव्हिल लाइन्सस्थित प्रेस क्लबच्या सभागृहात रविवारी संपलेल्या या स्पर्धेतील पुरुष एकेरीच्या अंतिम सामन्यात कुणालने विजय ठाकूरचा २५-० ने पराभव केला. तर दुहेरीच्या निर्णायक लढतीत कुणाल व विनोद सूर्यवंशी जोडीने पंकज नाजपांडे व चित्तरंजन नागदेवतेला २५-८ ने मात दिली. प्रमुख अतिथी जिल्हाधिकारी आर. विमला यांच्या हस्ते विजेत्यांना पुरस्कार देण्यात आले. याप्रसंगी अंकुर सिड्सचे कार्यकारी संचालक विशाल उमाळकर, क्लबचे अध्यक्ष प्रदीपकुमार मैत्र, सचिव ब्रम्हाशंकर त्रिपाठी, स्पर्धा संयोजक चारुदत्त कहू, एसजेएएनचे अध्यक्ष डॉ. राम ठाकूर, सचिव परितोष प्रामाणिक व मुख्य पंच सिद्धार्थ नारनवरे उपस्थित होते.
अन्य निकाल : पुरुष एकेरी (तिसरे स्थान) : पंकज नाजपांडे मात कार्तिक लोखंडे २५-२०. (उपांत्यफेरी) : कुणाल राऊत मात पंकज नाजपांडे २५-१, विजय ठाकूर मात कार्तिक लोखंडे २५-०. (दुहेरी) : तिसरे स्थान : परितोष प्रामाणिक/नसीम शेख मात महेश सारंगी/मनीष श्रीवास २५-८. (उपांत्यफेरी) : कुणाल राऊत/ विनोद सूर्यवंशी मात परितोष प्रामाणिक/नसीम शेख मात २५-१०, पंकज नाजपांडे व चित्तरंजन नागदेवते मात महेश सारंगी/मनीष श्रीवास २५-४.
