अवघ्या २६ रुपयात विमान यात्रा ते ही विदेशात !
नागपूर : जर तुम्हाला विमानात बसायचे असेल आणि विदेश यात्रा करायची असेल तर तुमच्यासाठी आनंदाची बातमी आहे. कारण यावेळी तुम्ही भारत ते व्हिएतनाम फक्त २६ रुपयांमध्ये जाऊ शकता. तुम्हाला वाचून जरा विचित्र वाटत असेल, पण हे शंभर टक्के खरे आहे. एक विमान कंपनी ही ऑफर देत आहे.
ही जबरदस्त ऑफर व्हिएतनामच्या व्हिएतजेट एअरलाइन्सने दिली आहे.
कंपनी फक्त ९ हजार व्हिएतनामी डोंग च्या विमान भाड्यावर तिकीट ऑफर घेऊन आली आहे. व्हिएतनामी चलनाचे मूल्य भारतीय चलनाच्या तुलनेत खूपच कमी आहे. ९ हजार व्हिएतनामी डोंग भारतीय चलनात सुमारे २५ ते ३० रुपये इतकेच आहे. एअरलाइन्सची ही ऑफर सर्व देशांतर्गत आणि आंतरराष्ट्रीय मार्गावरील उड्डाणांसाठी आहे.
ऑफरचा लाभ घेण्यासाठी १३ जुलैपर्यंत तिकीट बुक करावे लागणार आहे. २६ मार्च २०२३ नंतर प्रवासासाठी वेळ निवडू शकता. भारतीय प्रवाशांसाठी ही ऑफर सप्टेंबरपासून सुरू होणार आहे. ग्राहक नवी दिल्ली आणि मुंबई ते हनोई, हो ची मिन्ह सिटी आणि व्हिएतनाममधील फु क्वोक तिकीट बुक करू शकतात.
व्हिएतजेटने अलीकडेच भारतातून ५ नवीन आंतरराष्ट्रीय मार्गांवर हवाई सेवा सुरू केली आहे. दिल्ली, मुंबई, हैदराबाद, अहमदाबाद आणि बंगळुरू हे शहर अडा नांग शहराशी जोडले गेले आहेत. या आधी कंपनीने ४ हवाई मार्गांवर आपली विमानसेवा सुरू केली होती. यामध्ये दिल्ली आणि मुंबई ते हनोई आणि हो ची मिन्ह सिटीचा समावेश आहे.
