अल्पवयिन मुलीवर सामूहिक अत्याचार
उमरेड : नागपूर जिल्ह्यातील उमरेड भागात अल्पवयिन मुलीवर सामूहिक अत्याचार झाल्याची घटना समोर आली आहे. पीडित मुलगी १२ वर्षांची आहे. जिवे मारण्याची धमकी आरोपींनी मुलीला दिली होती. तब्बल ९ भामट्यांनी त्या अल्पवयिन मुलीवर अत्याचार केला.
पोलीस सुत्रांनी दिलेल्या माहिती नुसार, पीडित अल्पवयिन मुलीचे आई-वडिल शेतमजूर आहेत. आरोपी गजानन मुरस्कर वय ४० वर्ष हा पीडित मुलीच्या घराशेजारी राहतो. कुख्यात गुंड रोशन सदाशिव कारगावकर वय २९ वर्ष हा गजानन याचा खास मित्र आहे. रोशनची वाईट वाईट नजर अल्पवयिन मुलीवर होती. १९ जून रोजी पीडित मुलीचे आई-वडिल गावी गेले होते. दुपारी रोशन कारगावरकर आणि गजानन मुरस्कर हे दोघे मुलीच्या घरी आले. त्यांनी मुलीला उचलून रोशनच्या घरी नेले. तिथे तिच्यावर प्रेमदास जागोबा गाठीबांधे, गोविंदा गुलाब नटे आणि सौरव ऊर्फ करण उत्तम रिठे यांनी बलात्कार केला. यामुळे ती मुलगी बेशुद्ध पडली.
सायंकाळी ती शुद्धीवर आल्यानंतर रोशनने तिला ३०० रुपये दिले आणि याबाबत कुणालाही सांगितल्यास जीवे मारण्याची धमकी दिली. रात्री ११ वाजताच्या सुमारास पुन्हा रोशन तिच्या घरी आला आणि तिला घराच्या स्लँबवर घेऊन गेला. तेथे राकेश शंकर महाकाळकर, नितेश अरूण फुकट आणि प्रदुम्न दिलीप कुरुटकर आणि निखिल ऊर्फ पिंकू निनायक नरुले असे पाच जण दारू पित बसले होते.
पीडित मुलीला दमदाटी करून पाचही जणांनी तिच्यावर सामूहिक बलात्कार केला. पहाटेच्या सुमारास त्या मुलीला रोशनने तिच्या घरी सोडले. तब्बल नऊ जणांनी तिच्यावर लैंगिक अत्याचार केल्यामुळे ती मुलगी आजारी पडली.
१५ जुलैला रोशनने गावातील मित्रांसोबत मुलीवर पुन्हा सामूहिक अत्याचार केला. दरम्यान, आरोपी रोशन याने पैशाच्या वादातून २५ जुलै रोजी एकाची हत्या केली. २५ जुलै रोजी घडलेल्या हत्याकांडातील आरोपी रोशन याने पोलीस कोठडीत असताना या गुन्ह्याची कबुली दिली. आणि हे प्रकरण उघडकीस आले. या प्रकरणी उमरेड पोलिसांनी सामूहिक अत्याचाराचा गुन्हा दाखल करून ९ जणांना अटक केली आहे.