ड्रॅगन पॅलेस टेम्पल येथे ४ व ५ ऑक्टोबरला’धम्मचक्र महोत्सव’
नितीन गडकरी, देवेंद्र फडणवीस, रामदास आठवले यांची प्रमुख उपस्थिती
विविध सांस्कृतिक कार्यक्रमाचे आयोजन व ड्रॅगन पॅलेस टेम्पल येथे आकर्षक रोशनाई
नागपूर : ६६ व्या धम्मचक्र प्रवर्तन दिनानिमित्त ओगावा सोसायटीच्या वतीने मंगळवार दिनांक ४ ऑक्टोबर आणि बुधवार दिनांक ५ ऑक्टोबर २०२२ रोजी विश्वविख्यात ड्रॅगन पॅलेस टेम्पल , कामठी येथे दोन दिवसीय धम्मचक्र महोत्सवाचे आयोजन करण्यात आले आहे .
मंगळवार , दिनांक ४ ऑक्टोबर २०२२ रोजी सकाळी १०.०० वाजता डॉ . बाबासाहेब आंबेडकर सांस्कृतिक व संशोधन केंद्र , ड्रॅगन पॅलेस टेम्पल कॅम्पस , दादासाहेब कुंभारे परिसर , कामठी येथील परमपूज्य डॉ . बाबासाहेब आंबेडकर यांच्या शिल्पकृतीला ओगावा सोसायटीच्या अध्यक्षा तथा माजी राज्यमंत्री अॅड . सुलेखाताई कुंभारे यांच्या हस्ते माल्यापर्ण , तसेच पंचशील ध्वजाचे ध्वजारोहण करण्यात येईल.
या प्रसंगी समता सैनिक दलातर्फे मानवंदना देण्यात येईल . सकाळी ११.०० वाजता सूचना एवं प्रसारण मंत्रालय , केंद्रीय संचार ब्युरो , भारत सरकार द्वारा महामानव डॉ . बाबासाहेब आंबेडकर यांच्या जीवनचरित्रावर आधारीत छायाचित्र प्रदर्शनीचे उद्घाटन केंद्रीय सामाजिक न्याय व अधिकारीता राज्यमंत्री मा . ना . श्री . रामदास आठवले यांच्या शुभ हस्ते करण्यात येईल.
दुपारी १२.३० वाजता ईयत्ता पाचवी ते पदवीधर विद्यार्थ्यांकरिता भारतरत्न डॉ . बाबासाहब आंबेडकर यांच्या जीवनावर आधारीत “ सपर्धा परीक्षा ‘ चे आयोजन करण्यात आले आहे . सायंकाळी ६.०० वाजता संगीतमय प्रबोधनात्मक सांस्कृतिक कार्यक्रमाचे आयोजन करण्यात आले आहे . बुधवार , दिनांक ५ ऑक्टोबर २०२२ रोजी सकाळी १०.०० वाजता पूजनीय भिक्खू संघाच्या प्रमुख उपस्थितीत ‘ विशेष बुध्दवंदना ‘ घेण्यात येईल.
सकाळी ११.३० वाजता , ड्रॅगन
पॅलेस टेम्पल परिसर येथे आयोजित धम्मचक्र महोत्सवी मुख्य समारंभाला मुख्य अतिथी म्हणून केंद्रीय सडक , परिवहन व वाहतुक मंत्री मा.ना.श्री . नितीनजी गडकरी , महाराष्ट्राचे उपमुख्यमंत्री मा.ना.श्री . देवेंद्र फडणवीस उपस्थित राहतील . विशेष आमंत्रित म्हणून केंद्रीय सामाजिक न्याय व अधिकारीता राज्यमंत्री मा.ना. श्री . रामदास आठवले , विधान परिषद सदस्य , आमदार व भाजपा प्रदेश अध्यक्ष मा . श्री . चंदेशेखर बावनकुळे उपस्थित राहणार आहेत . तर दिक्षा भुमी स्मारक समीतीचे सदस्य आणि रिपाईचे सरचिटणीस मा . डॉ . राजेंद्र गवई , राष्ट्रीय अल्पसंख्याक आयोग , भारत सरकारच्या बौध्द प्रतिनीधी मा . रिनचेन लामो , कामठीचे आमदार श्री टेकचंद सावरकर यांची प्रमुख उपस्थिती राहणार आहे . या कार्यक्रमाच्या अध्यक्षस्थानी ओगावा सोसायटीच्या अध्यक्षा आणि विश्वविख्यात ड्रॅगन पॅलेस टेम्पलच्या प्रमुख , माजी राज्यमंत्री मा . अॅड . सुलेखाताई कुंभारे राहतील.
कार्यक्रमात ओगावा सोसायटी , विश्वविख्यात ड्रॅगन पॅलेस टेम्पल , ड्रॅगन पॅलेस विपस्सना मेडीटेशन सेंटर , हरदास शैक्षणिक व सांस्कृतिक संस्था , दादासाहेब कुंभारे बहुउद्देशीय प्रशिक्षण संस्था , ड्रॅगन इंटरनॅशनल स्कूल , ओगावा इंटरप्रायजेस प्रायवेट लिमीटेड , आदींचा सहभाग राहणार आहे . कार्यक्रमात मोठ्या संख्येने उपस्थित राहण्याचे आवाहन ओगावा सोसायटीच्या अध्यक्षा मा . अॅड . सुलेखाताई कुंभारे यांनी केले आहे .
